02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Եգիպտոսի նախագահի՝ Թուրքիա նախատեսված առաջին այցը հետաձգվել է
Քաղաքականություն
28.07.2023 | 21:54
Եգիպտոսի նախագահ Աբդել Ֆաթահ ալ-Սիսիի՝ այս շաբաթ նախատեսված առաջին այցը Թուրքիա հետաձգվել է։ Այս մասին հայտնում է Turkish Minute-ը՝ վկայակոչելով Եգիպտոսի Al Ain լրատվականին։
Վկայակոչելով դիվանագիտական աղբյուրին՝ լրատվամիջոցը հայտնել է, որ Եգիպտոսի նախագահի հանդիպումը Թուրքիայի նախագահ Ռեջեփ Թայիփ Էրդողանի հետ նախատեսված էր Անկարայում այս շաբաթ, սակայն հետաձգվել է՝ Սանկտ Պետերբուրգում «Աֆրիկա-Ռուսաստան» գագաթնաժողովին նախագահ Սիսիի մասնակցության պատճառով: Աղբյուրն ընդգծել է առաջիկա հանդիպման կարևորությունը երկու երկրների և տարածաշրջանի շահերի համար։
Առաջիկա հանդիպման մասին լուրերը տարածվել էին այն բանից հետո, երբ Եգիպտոսն ու Թուրքիան վերջերս որոշեցին իրենց դիվանագիտական ներկայացուցչությունը դեսպանի մակարդակի բարձրացնել՝ հարաբերությունների կարգավորման շրջանակում։ Երկու երկրները դեսպաններ չունեին 2013 թ-ից։
Հավելենք, որ Էրդողանն ու Սիսին հանդիպել էին Դոհայում 2022 թվականին՝ Ֆուտբոլի աշխարհի առաջնության ժամանակ։
Էմմա Չոբանյան
