10.08.2026 | 19:24
20 հազարից ավելի խախտում՝ մեկ շաբաթում․ պարեկային ծառայության արդյունքները
Նախորդ կառավարությունների հանցավոր անգործության հետևանքով մեր արվեստագետները զրկված են եղել 1 մլրդ 460 մլն բյուջե ունեցող ծրագրին մասնակցելու հնարավորությունից․ Ն․ Զոհրաբյան․ ՏԵՍԱՆՅՈՒԹ
Հասարակություն
11.07.2018 | 15:05
Այսօր Ազգային ժողովի արտահերթ նիստում քննարկվում է «ՀՀ կառավարության և Եվրոպական հանձնաժողովի միջև մշակութային և ստեղծագործ ոլորտների համար Միության «Ստեղծագործ Եվրոպա» ծրագրին ՀՀ մասնակցության վերաբերյալ» փոխըմբռնման հուշագիրը վավերացնելու մասին օրինագիծը։
ԱԺ Եվրոպական ինտեգրման հարցերի մշտական հանձնաժողովի նախագահ, «Ծառուկյան» խմբակցության պատգամավոր Նաիրա Զոհրաբյանը նշեց, որ այս հուշագիրը պատմական է, ձգձգվել է նախորդ կառավարությունների հանցավոր անգործության, տարբեր բյուրոկրատական քաշքշուկների հետևանքով, որի պատճառով մեր ստեղծագործողները, արվեստագետները զրկված են եղել 1 մլրդ 460 մլն բյուջե ունեցող ծրագրին մասնակցելու հնարավորությունից․ «Նախորդ կառավարությունների հանցավոր անգործության պատճառով այն ձգձգվել է տարբեր անհարկի պատճառաբանություններով, ու մեր ստեղծագործողները զրկված են եղել այս ծրագրի մշակույթ բաղադրիչին միանալուց։ Սա կարևոր եմ համարում նաև, որովհետև բոլորս ենք համարում, որ մեր պետությունը և բյուջեն չունի հնարավորություն՝ ֆինանսավորելու այն տաղանդավոր, սքանչելի ստեղծագործական նախաձեռնությունները, որ ունեն մեր երիտասարդ ստեղծագործողները։ Սա հրաշալի շանս է բոլոր տաղանդավոր մարդկանց համար՝ օգտվելու այս հնարավորությունից»։
Մանրամասները՝ տեսանյութում։
