16.05.2026 | 10:16
Հրդեհ Ստեփանավան քաղաքում
Բաքուն ռիսկ կանի ՄԱԿ-ի օդանավ խփի՞․ ԻՊ-ի կողմից կոտորվող եզդիներին ՄԱԿ-ն օդանավով էր բեռներ հասցնում․ Արմեն Պետրոսյան․ ՏԵՍԱՆՅՈՒԹ
Քաղաքականություն
27.07.2023 | 20:32
Արցախի շուրջ բանակցությունների, դեպի Ստեփանակերտ ուղղված հումանիտար բեռներով շարասյան և դրա շուրջ իրավիճակի մասին Factor TV-ի տաղավարում զրուցել ենք տարածաշրջանի հարցերով փորձագետ Արմեն Պետրոսյանի հետ։
-Պարո՛ն Պետրոսյան, Բաքուն հայտարարել էր, որ դիմադրելու է, բայց հայկական կողմն ուղարկեց այդ շարասյունը։ Չէ՞ր եղել համաձայնություն, և այդ դեպքում ինչի՞ն էր ուղղված այդ շարասյան մեկնումը։
-Երբ ակամայից առաջին անգամ կարդացի այդ տեղեկատվությունը՝ 400 տոննա բեռի մասին, ինձ թվաց՝ այդ պայմանավորվածությունը ձեռք է բերվել Մոսկվայում կայացած բանակցությունների ընթացքում։ Բայց երբ նշվեց, որ չկա երաշխիք, արդեն հասկացա պրոցեսի նպատակը։ Այստեղ կա որոշակի տրամաբանություն։
Դրանից առաջ էլ Արցախի նախագահը հանդես եկավ ասուլիսով և հայտարարեց Արցախն աղետի գոտի։ Այսինքն՝ դրա տրամաբանությունը պետք է լիներ աղետի գոտում հայտնված բնակչությանը հումանիտար աջակցություն ցուցաբերելը։ Ընթացակարգն այդպես է․ որևէ տարածք հայտարարվում է աղետի գոտի, որից հետո միջազգային հանրությունը փորձում է հումանիտար աջակցության գործողություններ իրականացնել։
Առաջին արձագանքն արդեն եղավ ՀՀ-ի կողմից։ Եվ արդեն տրամաբանորեն հաջորդ քայլը պետք է լինի միջազգային հանրությանն այս պրոցեսին ներգրավելը։
-Դրանք կլինեն որոշումներ, որոնք կլինեն թղթի վրա, իսկ հողի վրա մարդիկ ունեն սննդի և հումանիտար այլ ապրանքների կարիք։ Եթե նույնիսկ միջազգային հանրությունը կոնսոլիդացվում է, ի՞նչ հնարավորություններ կան՝ բեռներն Արցախ հասցնելու համար։
-Ենթադրենք՝ ՄԱԿ-ի Անվտանգության խորհրդում բանաձևով Արցախը հռչակվում է աղետի գոտի։ Դա արդեն հստակ հնարավորություն է և, բնականաբար, հիմք, որ ՄԱԿ-ի համապատասխան հումանիտար կառույցներն անցնեն աջակցության ցուցաբերման։ Ինչպե՞ս է դա տեղի ունենալու։ Նույն Հայաստանի ճանապարհով, նույն Լաչինի միջանցքով։ Պարզապես հայկական բեռնատարների փոխարեն լինում են ՄԱԿ-ի բեռնատարներ։
-Ի՞նչ երաշխիք կա, որ դա չի արվի հենց Ակնայով՝ Աղդամով։
-Դրա հնարավորությունն էլ կարող է։ Ասեմ անգամ երրորդ տարբերակ։ Ես հիշում եմ, որ երբ 2014-2015 թվականներին «Իսլամական պետություն» ահաբեկչական կազմակերպությունը Սինջարում իրականացնում էր եզդիների ցեղասպանությունը, ՄԱԿ-ը և ԱՄՆ-ն անգամ օդային ճանապարհով էին այդ աջակցությունը ցուցաբերում։ Ինչ եք կարծում՝ Ադրբեջանը ռիսկ կանի միջազգային կամ ՄԱԿ-ի օդանա՞վ խփի։
Հարցազրույցն ամբողջությամբ տեսանյութում։
Գարիկ Հարությունյան
