15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Բլինքենը հնարավոր է համարել այլ երկրների՝ AUKUS պաշտպանական փաթեթին միանալը
Քաղաքականություն
27.07.2023 | 21:49
ԱՄՆ պետքարտուղար Էնթոնի Բլինքենը հնարավոր է համարել Նոր Զելանդիայի և այլ երկրների մասնակցության հնարավորությունը AUKUS պաշտպանական պայմանագրին, ինչը կարող է զայրացնել Վելինգթոնի հիմնական առևտրային գործընկեր Չինաստանին, գրում է VOA-ն:
«Դռները լայն բաց են Նոր Զելանդիայի և այլ գործընկերների համար՝ մասնակցելու այս գործընթացին, ինչպես նրանք հարմար են գտնում»,- ասել է Բլինքենը:
Վելինգթոնը դիտարկում է Ավստրալիայի, Մեծ Բրիտանիայի և ԱՄՆ-ի միջև համաձայնագրի ոչ միջուկային ասպեկտների շուրջ համագործակցությունը։
Չորեքշաբթի Նոր Զելանդիայի վարչապետ Քրիս Հիփքինսը հայտարարել է, որ Նոր Զելանդիան «բաց է խոսելու» AUKUS-ում հնարավոր դերի մասին այնքանով, որքանով այն չի ներառում միջուկային սուզանավերի կառուցումը:
Նոր Զելանդիան միջուկային զենքից զերծ երկիր է 1980-ականների կեսերից:
Փոխարենը պաշտոնյաները քննարկում են պաշտպանական տեխնոլոգիաների համագործակցությունը, ինչպիսիք են կիբերտեխնոլոգիան, արհեստական բանականությունը և գերձայնային զենքերը, որոնք AUKUS համաձայնագրի, այսպես կոչված, «երկրորդ սյան» մաս են կազմում:
Նոր Զելանդիան և Ավստրալիան ԱՄՆ-ի հիմնական դաշնակիցներն են Հարավային Խաղաղ օվկիանոսում:
