07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Սերգեյ Բագրատյանն առաջարկում է համաներումը սկսել մարդուց․ՏԵՍԱՆՅՈւԹ
11.07.2018 | 12:40
Համաներման այս փաստը պետք է ավելի լուրջ ուսումնասիրվի մինչև մայիսի վերջն ընկած ժամանակահատվածի համար, քանի որ ապրիլ-մայիս ամիսներին հայտարարություններ հնչեցին, որ չեն աշխատում տեսախցիկները, և մարդիկ մտածում էին, որ չեն տուգանվելու, իսկ հետո պարզվեց, որ այդ օրերին մարդիկ լուրջ տուգանվել են։
Այս մասին այսօր Ազգային ժողովում «Մի շարք վարչական իրավախախտումների համար կիրառված տուգանքների համաներման մասին» օրենքի նախագծի քննարկման ժամանակ ասաց ԱԺ «Ծառուկյան» խմբակցության պատգամավոր Սերգեյ Բագրատյանը։
«Իսկ, ընդհանրապես, ես կարծում եմ, որ շատ ճիշտ կլիներ, համաներումը սկսել այն մարդկանցից, ովքեր դատապարտվել են քաղաքական հիմքի հիման վրա, ցմահ դատապարտյալներ ունենք, նաև շատ այլ դատապարտյալներ, որոնք դատապարտվել են քաղաքական պատճառով։ Պետք էր շատ կարևորել, որ համաներումը առաջնային նայվեր մարդու իմաստով, նոր՝ մարդու արարքների։ Համաներումը պետք էր սկսել մարդուց»,-ասաց պատգամավորը։
Մանրամասները՝ տեսանյութում։
