15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Ռոսսելխոզնադզորն արգելել է Ադրբեջանից ավելի քան 47 տոննա լոլիկի և 14 տոննա ելակի ներմուծումը Ռուսաստան
Քաղաքականություն
26.07.2023 | 21:02
Ռոսսելխոզնադզորի Դաղստանի Հանրապետության վարչությունն արգելել է Ադրբեջանից 61,2 տոննա արտադրանքի ներմուծումը, գրում են ադրբեջանական լրատվամիջոցները։
Հաղորդվում է, որ խոսքը թարմ լոլիկի 3 խմբաքանակի՝ 47,2 տոննա և թարմ ելակի 1 խմբաքանակ՝ 14 տոննայի մասին է։
«Ապրանքներն ուղղվել են Ռուսաստանի Դաշնություն՝ վաճառքի համար։ Ապրանքներով բեռնատարները վերադարձվել են ներկրող երկիր»,- նշում է Ռոսսելխոզնադզորը։
Նշվում է, որ ապրանքների վերադարձի պատճառ է հանդիսացել այն, որ փաստաթղթային ստուգումների ընթացքում պարզվել են ֆիտոսանիտարական սերտիֆիկատներում չհավաստագրված ուղղումներ կատարելու փաստեր, ինչպես նաև ֆիտոսանիտարական սերտիֆիկատներում մակնշման տեղեկատվության անհամապատասխանություն։
Էմմա Չոբանյան
