15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
Սաստիկ շոգը Եվրոպայում հրդեհների պատճառ է դարձել
Քաղաքականություն
26.07.2023 | 22:06
Ամառային ուժեղ շոգ է հաստատվել Միջերկրական ծովի հսկայական տարածքներում։ Հրշեջները ստիպված են եղել մարել կրակը միջերկրածովյան ամբողջ տարածաշրջանում, գրում է VOA-ն:
Ալժիրում բռնկված հրդեհների զոհ է դարձել առնվազն 34 մարդ։ Խորվաթիայում հրդեհը մոտեցել է միջնադարյան Դուբրովնիկ քաղաքին 12 կիլոմետր հեռավորության վրա։
Հատկապես տուժել է Հունաստանը, որտեղ վերջին օրերին իշխանությունները տարհանել են ավելի քան 20,000 մարդու Հռոդոս կղզուց: Հունաստանի Տրանսպորտի նախարարության տվյալներով՝ երեքշաբթի օրվա դրությամբ՝ մոտ 3000 զբոսաշրջիկ է վերադարձել տուն, իսկ տուրօպերատորները չեղարկել են առաջիկա ուղևորությունները։
Երկու հրշեջ օդաչուներ են մահացել, երբ նրանց ջրատար ինքնաթիռն Աթենքից արևելք ընկած Էվբեա կղզու Կարիստոս քաղաքի մոտ ընկել է սարի լանջին:
Իտալիային միանգամից երկու փոթորիկ է հարվածել. հյուսիսում ուժեղ փոթորիկը սպանել է մի կնոջ և 16-ամյա աղջկա։ Հարավում, որտեղ շոգեր են հաստատվել, անկողնուն գամված 98-ամյա տղամարդ է մահացել, երբ նրա տունը հրդեհվել է:
Հրդեհներ են մոլեգնում նաև Պորտուգալիայում և իսպանական Գրան Կանարիա կղզում:
