15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Մոլդովան կրճատում է Քիշնևում ՌԴ դեսպանատան աշխատակազմը
Քաղաքականություն
26.07.2023 | 19:50
Մոլդովայի իշխանությունները որոշել են կրճատել Քիշնևում ՌԴ դեսպանատան աշխատակազմը՝ հասցնելով 10 դիվանագետի և տեխնիկական անձնակազմի 15 անդամի։ Այս մասին հայտնում է երկրի ԱԳՆ մամուլի ծառայությունը, որին վկայակոչում է Meduza-ն։
«Այս որոշումը հանդիսանում է Մոլդովայի դեմ բազմաթիվ ոչ բարեկամական գործողությունների, ինչպես նաև մեր երկրի ներքին իրավիճակն ապակայունացնելու փորձերի արդյունքը»,- ասվում է հայտարարության մեջ։
Ավելի վաղ Մոլդովայի արտաքին գործերի և եվրոպական ինտեգրման նախարար Նիկոլայ Պոպեսկուն հայտարարել էր ՌԴ դեսպանատան անձնակազմի կրճատման մասին։ Նրա խոսքով՝ այս որոշումը պայմանավորված է այն կասկածով, որ «դեսպանատան աշխատակիցներից ոմանք ներգրավված են երկրում իրավիճակի ապակայունացման մեջ»։
ՌԴ ԱԳՆ պաշտոնական ներկայացուցիչ Մարիա Զախարովան Մոլդովայի իշխանությունների այս որոշումն անհիմն է անվանել՝ հավելելով, որ Մոսկվան պատասխան միջոցներ կձեռնարկի։
Էմմա Չոբանյան
