14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ում քրեական գործ են հարուցել ուկրաինացի լրագրող Յանինա Սոկոլովսկայայի դեմ
Քաղաքականություն
26.07.2023 | 20:38
Մոսկվայում քրեական գործ են հարուցել ուկրաինացի լրագրող Յանինա Սոկոլովսկայայի դեմ, նա մեղադրվում է «ռազմական կեղծիքների» մեջ (Ռուսաստանի Դաշնության Քրեական օրենսգրքի 207.3-րդ հոդվածի 2-րդ մաս՝ Ռուսաստանի զինված ուժերի օգտագործման մասին գիտակցաբար կեղծ տեղեկությունների հրապարակային տարածում), փոխանցում է BBC-ի ռուսական ծառայությունը:
ՌԴ Քննչական կոմիտեի մոսկովյան վարչությունում նշված է միայն կասկածյալի անունը, սակայն «ՌԻԱ Նովոստին» հայտնում է, որ խոսքն ուկրաինացի լրագրողի մասին է, որը հոդվածներ է գրել «Կոմերսանտ»-ի և «Իզվեստիա»-ի համար։
Քննչական կոմիտեն հայտարարել է, որ Սոկոլովսկայան 2022 թվականի մարտ-մայիս ամիսներին Telegram-ալիքներում «կեղծ» լուրեր է տարածել Ուկրաինայի խաղաղ բնակչության դեմ ռուսական բանակի գործողությունների մասին։
