07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
2022թ․ Ճապոնիայի բնակչությունը կրճատվել է ռեկորդային թվով՝ 800,000-ով
Քաղաքականություն
26.07.2023 | 22:20
Ճապոնիայի բնակչությունը նախորդ տարի կրճատվել է գրեթե 800 հազարով՝ հասնելով 122,42 միլիոնի։ Նման տվյալներ է ներկայացրել Ճապոնիայի ներքին գործերի և կապի նախարարությունը։
Երկրի բնակչությունը նվազում է արդեն 14-րդ տարին անընդմեջ, իսկ վերջին տարիներին՝ ավելի արագ։ 2022 թվականին Ճապոնիայում գրանցվել է 1,56 միլիոն մահվան դեպք, ինչը ռեկորդային է վիճակագրության պատմության մեջ։ Միաժամանակ, ծնունդների թիվն առաջին անգամ 800 հազարից ցածր է եղել՝ 771 հազար։
Դիտարկումների պատմության ընթացքում առաջին անգամ երկրիի բնակչության թիվը կրճատվել է բոլոր 47 պերֆեկտուրաներում։ Եվս մեկ ռեկորդն այն է, որ աճել է մշտական հիմունքներով բնակվող օտարերկրյա քաղաքացիների թիվը՝ հասնելով 10,7 տոկոսի կամ գրեթե 3 միլիոն մարդու։ Անգամ հաշվի առնելով օտարերկրացիների թիվը՝ Ճապոնիայի բնակչությունը կրճատվել է 511 հազարով՝ հասնելով 125,42 միլիոնի։
Անցյալ տարի հաղորդվել էր, որ Ճապոնիայում դատարկ բնակելի շենքերի թիվը 2023 թվականին կհասնի 10 միլիոնի, դա առաջին հերթին պայմանավորված է երկրի բնակչության թվի նվազմամբ։
