24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Կրեմլում հայտնել են Պուտինի՝ Թուրքիա այցելելու ցանկության մասին
Քաղաքականություն
26.07.2023 | 15:22
ՌԴ նախագահ Վլադիմիր Պուտինի ծրագրերում կա Թուրքիա պաշտոնական այցը, բայց այս պահին այցի հստակ ժամկետներ չկան։ Այս մասին հայտարարել է ՌԴ նախագահի օգնական Յուրի Ուշակովը, գրում է Lenta-ն։
«Ինչ վերաբերում է Թուրքիայի նախագահ Ռեջեփ Թայիփ Էրդողանի հետ շփումներին, ապա ես կարող եմ հաստատել, որ թե՛ ռուսական, թե՛ թուրքական կողմի ծրագրերը ներառում են մեր նախագահի այցը Թուրքիա։ Բայց մենք դեռ չենք պայմանավորվել կոնկրետ ամսաթվերի, կոնկրետ ժամկետների մասին»,- ասել է Ուշակովը՝ հավելելով, որ Կրեմլը դեռ չի սկսել այցի կազմակերպումը։
Նա նաև նշել է, որ Մոսկվան հիշում է Պուտինի՝ Էրդողանին տված խոստումը «պաշտոնական այցով Թուրքիա գնալու մասին»։
Հավելենք, որ վերջին շրջանում Էրդողանը պարբերաբար խոսում է օգոստոսին Պուտինի Թուրքիա կատարելիք այցի մասին, որի ընթացքում պատրաստվում են նաև քննարկել հացահատիկային գործարքի շուրջ ստեղծված իրավիճակը։
Էմմա Չոբանյան
