15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Դանիայում Թուրքիայի և Եգիպտոսի դեսպանատների առջև Ղուրան են այրել
Քաղաքականություն
26.07.2023 | 16:16
Դանիայի մայրաքաղաք Կոպենհագենում Թուրքիայի և Եգիպտոսի դեսպանատների առջև աջ ծայրահեղական ցուցարարների խումբն այրել է մահմեդականների Սուրբ գրքի՝ Ղուրանի պատճենները, գրում է Al Jazeera-ն։
Ղուրանի այրումը հետևել է ծայրահեղ ազգայնական «Դանիացի հայրենասերներ» խմբի կողմից կազմակերպված հակաիսլամական ցույցին։ Նման ակցիա խումբը կազմակերպել էր նաև երկուշաբթի և անցյալ շաբաթ Իրաքի դեսպանատան առջև: Վերջին մեկ ամսվա ընթացքում երկու նման դեպք էլ տեղի է ունեցել Շվեդիայում։
Իրաքի ԱԳ նախարարությունը ԵՄ երկրների իշխանություններին կոչ է արել «արագ վերանայել, այսպես կոչված, խոսքի ազատության և ցույցերի իրավունքը»՝ Ղուրանի այրման լույսի ներքո:
Թուրքիան հայտարարել է, որ խստորեն դատապարտում է Ղուրանի դեմ հարձակումը և կոչ արել Դանիային՝ անհրաժեշտ միջոցներ ձեռնարկել «իսլամի դեմ այս ատելության հանցագործությունը» կանխելու համար:
Եգիպտոսի ԱԳՆ-ն էլ կանչել է Շվեդիայի գործերի հավատարմատարին ու դատապարտել Ղուրանի այրման ակցիան։
Դանիայի կառավարությունն իր հերթին դատապարտել է այս ակցիաները՝ դրանք «սադրիչ և ամոթալի գործողություններ» որակելով, սակայն նշել է, որ իրավունք չունի արգելել ոչ բռնի ցույցերը:
Էմմա Չոբանյան
