06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ռուսաստանն ու Իրանն ամրապնդում են ռազմական գործընկերությունը. Պետքարտուղարություն
Քաղաքականություն
26.07.2023 | 11:48
Մոսկվայի և Թեհրանի միջև ռազմական գործընկերությունը շարունակում է խորանալ, և Իրանը մնում է Ռուսաստանի գլխավոր գործընկերը Ուկրաինայի հետ պատերազմում։ Այս մասին երեքշաբթի՝ հուլիսի 25-ին, Վաշինգտոնում կայացած ճեպազրույցի ժամանակ հայտարարել է ԱՄՆ Պետդեպարտամենտի փոխղեկավար Վեդանտ Պատելը, փոխանցում է Ukrinform-ը։
«Իրանը մնում է Ռուսաստանի Դաշնության գլխավոր ռազմական հենարանը, Ռուսաստանը Իրանից ստացել է մեկանգամյա օգտագործման հարյուրավոր հարվածային անօդաչու թռչող սարքեր, ինչպես նաև անօդաչու թռչող սարքերի արտադրության սարքավորում»,- ասել է նա։
Միաժամանակ, Պատելն ընդգծել է, որ իրանական անօդաչու սարքերը ռուսներն օգտագործում են Կիևին և այլ քաղաքներին հարվածելու և Ուկրաինայի խաղաղ բնակչությանն ահաբեկելու համար։
«Ռուսաստանի և Իրանի միջև այս ռազմական գործընկերությունը շարունակում է խորանալ»,- ասել է Պատելը։
