15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Շոյգուն ժամանել է Հյուսիսային Կորեա
Քաղաքականություն
26.07.2023 | 11:15
Ռուսաստանի պաշտպանության նախարար Սերգեյ Շոյգուի գլխավորած պատվիրակությունը ժամանել է Հյուսիսային Կորեա, հայտնել են ՌԴ ռազմական գերատեսչությունից, գրում է VOA-ն։
Չինական պատվիրակության հետ միասին նրանք դարձել են կորոնավիրուսի համավարակի սկզբից ի վեր երկիր այցելած առաջին պաշտոնյաները։
Երկու պատվիրակությունները կմասնակցեն «Հաղթանակի օրվա» 70-ամյակի տոնակատարություններին, որոնք կանցկացվեն հինգշաբթի օրը Փհենյանում։
Չինաստանի պատվիրակությունը գլխավորում է Կոմունիստական կուսակցության կենտրոնական կոմիտեի քաղբյուրոյի անդամ Լի Հոնչժոնգը։
ՌԴ պաշտպանության նախարարությունը հայտնել է, որ պատվիրակությունը հրավիրվել է Հյուսիսային Կորեայի ռազմական գերատեսչության կողմից։
«Այս այցը կնպաստի ռուս-հյուսիսկորեական ռազմական կապերի ամրապնդմանը և կարևոր փուլ կդառնա երկու երկրների միջև համագործակցության զարգացման գործում»,- նշել են ՌԴ պաշտպանության նախարարությունից։
Նախարարությունը կարճ տեսանյութ է հրապարակել Telegram-ում, որտեղ երևում է, թե ինչպես է Շոյգուն իջնում կարմիր գորգի վրայով, որտեղ նրան դիմավորում է հյուսիսկորեացի զինվորականը:
ԱՄՆ-ը Հյուսիսային Կորեային մեղադրում է ուկրաինական պատերազմում Ռուսաստանին ռազմական օգնություն ցուցաբերելու մեջ։ Փհենյանն ու Մոսկվան հերքում են այս մեղադրանքները։
