26.06.2026 | 20:49
Իրանի փոխնախագահ Համիդ Փուրմոհամադին ժամանել է Հայաստան
Բաքուն արձագանքել է Արցախում վատթար հումանիտար իրավիճակի մասին ԿԽՄԿ հայտարարությանը
Քաղաքականություն
25.07.2023 | 19:59
Պաշտոնական Բաքուն, որը խափանում է Կարմիր Խաչի միջազգային կոմիտեի աշխատանքն ու Արցախ հումանիտար բեռների տեղափոխումը, արձագանքել է կառույցի՝ ԼՂ-ում վատթարացող իրավիճակի վերաբերյալ այսօր հնչեցրած ահազանգին։
«Մենք ի գիտություն ենք ընդունել Կարմիր Խաչի միջազգային կոմիտեի (ԿԽՄԿ) հուլիսի 25-ի հայտարարությունը տարածաշրջանում հումանիտար իրավիճակի և ԿԽՄԿ գործունեության վերաբերյալ»,- ասվում է Ադրբեջանի ԱԳՆ հայտարարության մեջ։
Ադրբեջանը, որը պնդում է, թե Արցախում որևէ հումանիտար ճգնաժամ չկա, նշում է, թե «դեղերի և ապրանքների փոխադրման և առաքման համար օգնություն է առաջարկել Աղդամի ճանապարհով, որը հայկական կողմը մերժել է»։ ԱԳՆ-ն նաև հայտարարել է, թե «հայկական կողմի անհամաձայնությունը Ադրբեջանի ձեռնարկած քայլերին և աջակցության մտադրություններին, ներառյալ՝ Աղդամի ճանապարհը և այլընտրանքային այլ ուղիներ օգտագործելու առաջարկները, ևս մեկ անգամ ապացուցում են, որ տարածաշրջանում լարված հումանիտար իրավիճակի մասին հայտարարությունները քաղաքական շահարկման և ճնշման գործիք են»։
Բաքուն նաև նշել է, թե «ԿԽՄԿ-ի մարդասիրական մանդատը պետք է պահպանվի և այն չպետք է չարաշահվի քաղաքական նպատակներով»։
Էմմա Չոբանյան
