15.09.2026 | 22:23
Ֆուտզալի Հայաստանի հավաքականը ոչ-ոքի խաղաց Մոլդովայի հետ
«Վագների» հետ համագործակցելու համար ԱՄՆ-ը պատժամիջոցներ է սահմանել Մալիի բարձրաստիճան զինվորականների դեմ
Քաղաքականություն
25.07.2023 | 23:02
ԱՄՆ Ֆինանսների նախարարությունը հայտնել է Մալիի երեք բարձրաստիճան զինվորականների դեմ պատժամիջոցների սահմանման մասին, որոնք, որոնք համակարգել են ռուսական «Վագներ» խմբավորման գործունեությունն աֆրիկյան երկրում, գրում է BBC-ի ռուսական ծառայությունը։
ԱՄՆ պետքարտուղար Էնթոնի Բլինքենի խոսքով՝ ամերիկյան պատժամիջոցների տակ են հայտնվել Մալիի պաշտպանության նախարարը, ռազմաօդային ուժերի հրամանատարը և Գլխավոր շտաբի պետի տեղակալը։
Նշվում է, որ 2021 թվականի դեկտեմբերին Մալիում «Վագների» զորքերի տեղակայումից ի վեր երկրում խաղաղ բնակչության զոհերի թիվը եռապատկվել է:
«Այդ մահերի մեծ մասը Մալիի զինված ուժերի կողմից «Վագներ» խմբավորման անդամների հետ համատեղ իրականացված գործողությունների հետևանք են»,- ասել է Բլինքենը։
Հավելենք, որ ԱՄՆ-ն ու նրա դաշնակիցները հետապնդում են ռուսական ռազմական խմբավորմանը պատժամիջոցների միջոցով՝ վարձկանների խմբին մեղադրելով մարդու իրավունքների խախտման և ապատեղեկատվություն տարածելու մեջ։ Վաշինգտոնն այն ներառել է «անդրազգային հանցավոր կազմակերպությունների» ցուցակում։
Անցյալ շաբաթ Մեծ Բրիտանիան էլ պատժամիջոցներ է սահմանել Կենտրոնաֆրիկյան Հանրապետությունում, Մալիում և Սուդանում «Վագների» հետ կապված 13 անձանց նկատմամբ:
Էմմա Չոբանյան
