02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Շվեդիայի` ՆԱՏՕ-ին անդամակցության հարցը կորոշի Թուրքիայի խորհրդարանը․ Էրդողան
Քաղաքականություն
25.07.2023 | 22:02
Թուրքիայի խորհրդարանն է որոշելու ՆԱՏՕ-ին անդամակցելու Շվեդիայի դիմումի ճակատագիրը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը կառավարության նիստից հետո ունեցած ելույթում, գրում է Անադոլուն։
«Մարմինը, որը վերջնական որոշում կկայացնի ՆԱՏՕ-ին Շվեդիայի անդամակցության արձանագրությունների վերաբերյալ, Թուրքիայի խորհրդարանն է։ Մենք կասկած չունենք, որ մեր պատգամավորները կանեն այն ամենը, ինչ պահանջում են մեր երկրի շահերը»,- ասել է նա։
Էրդողանը հիշեցրել է, որ դաշինքին Շվեդիայի անդամակցության գործընթացի հետ կապված փոխադարձ քայլերը որոշվել են Վիլնյուսում կայացած ՆԱՏՕ-ի գագաթնաժողովում Թուրքիայի նախագահի, Շվեդիայի վարչապետի և ՆԱՏՕ-ի գլխավոր քարտուղարի հանդիպման արդյունքներով համատեղ հայտարարությամբ։
«Մենք կկատարենք մեր մասը մեր խորհրդարանի աշնանային նստաշրջանում»,- ասել է Թուրքիայի նախագահը։
Հավելենք, որ Թուրքիայի խորհրդարանի նստաշրջանի բացումը տեղի է ունենալու հոկտեմբերին։
Էմմա Չոբանյան
