07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Դանիայում Իրաքի դեսպանատան դիմաց այրել են Ղուրանը
Քաղաքականություն
24.07.2023 | 22:31
Դանիայի մայրաքաղաք Կոպենհագենում երկու ցուցարարներ Իրաքի դեսպանատան առջև այրել են մահմեդականների Սուրբ գիրքը՝ Ղուրանը, գրում է Korrespondent-ը։
Ցուցարարները «Դանիական հայրենասերներ» կոչվող խմբից են, որն անցած շաբաթ արդեն նման ակցիա էր իրականացրել։
Այս անգամ նրանք ոտքի տակ են գցել Ղուրանը, ապա գետնին դրված Իրաքի դրոշի կողքին սկուտեղի վրա այրել են գիրքը։
Հիշեցնենք, որ հուլիսի 22-ին Իրաքի մայրաքաղաք Բաղդադում բողոքի ցույց է տեղի ունեցել սկանդինավյան երկրներում Ղուրանի այրման ակցիաների դեմ։ Իրանի գերագույն հոգևոր առաջնորդ այաթոլլա Ալի Խամենեին իր հերթին ասել է, որ Ղուրանը նվաստացնելու համար պետք է լինի «ամենախիստ պատիժը»:
