02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Թբիլիսիում ծրագրում են վրաց-ռուսական համալսարան բացել
Քաղաքականություն
24.07.2023 | 20:44
Եվգենի Պրիմակովի անվան վրաց-ռուսական հասարակական կենտրոնի ղեկավար Դմիտրի Լորտկիպանիձեն հայտնել է, որ Թբիլիսիում «եզակի բարձրագույն ուսումնական հաստատություն է ստեղծվելու», որը ֆինանսավորելու է Ռուսաստանը։ Այս մասին հուլիսի 23-ին հայտնել է Էխո Կավկազա ռադիոկայանը։
«Հիմա կոնկրետ քննարկվում է վրաց-ռուսական համալսարան ստեղծելու հարցը: Այս փուլում մենք փնտրում ենք համապատասխան վայր այս ուսումնական հաստատությանտեղակայման համար: Համալսարանում կրթությունը կլինի անվճար. ֆինանսավորման ծախսերը կհոգա Ռուսաստանի Դաշնությունը: Դա կլինի եզակի համալսարան, որն ամբողջությամբ կկահավորվի ՌԴ կողմից»,- ընդգծել է նա:
«Մինչև սեպտեմբերի վերջ մենք կունենանք ավելի հստակ պատկեր, կլինեն մանրամասներ այս բուհի հետ կապված»,- հավելել է Լորտկիպանիձեն։
Հրապարակման մեջ նշվում է, որ Թբիլիսին ռուսական ուսումնական հաստատություն բացելու փորձը դիտարկում է որպես Մոսկվայի էքսպանսիայի նոր ալիք։ Փորձագետների կարծիքով՝ «ռուսական կայսրությունն» օգտագործում է կրթությունը որպես գաղափարական մեխանիզմ։
