15.01.2026 | 17:30
ՌԴ ՆԳՆ կենտրոնում նռնակ է պայթել․ 9 մարդ վիրավորվել է
Ադրբեջանի հոխորտանքներն անտեղի են, Երասխի կառուցվող գործարանը մետաղաձուլարան է․ Արամ Օսիկյան. ՏԵՍԱՆՅՈՒԹ
Տնտեսություն
24.07.2023 | 14:39
Ադրբեջանի հոխորտանքներն անտեղի են, Երասխի կառուցվող գործարանը մետաղաձուլարան է։ Այս մասին այսօր «Ադրբեջանցի «բնապահպանների» խեղաթյուրված փաստերն ու սադրանքն ուղղված Հայաստանի տնտեսության դեմ, ՀՀ բնապահպանական կազմակերպությունների և պետության գործոնը նմանօրինակ խնդիրների և երկրի ներդրումային քաղաքականության խոչընդոտման համատեքստում» թեմայով քննարկման ժամանակ ասաց Հայաստանի հանքագործների և մետալուրգների միության ներկայացուցիչ Արամ Օսիկյանը։
20 հատ «Կամազն» ավելի շատ փոշի են հանում և օդը CO գազով աղտոտում, քան այդ գործարանի ծուխը։ Սա ոչ թե մետալուրգիական գործարան է, այլ մետաղաձուլարան։ Այստեղ երկաթն է ձուլվելու, և ջուրը հովացման համար է օգտագործվելու։ Ադրբեջանի հոխորտանքներն անտեղի են։
Կոնվենցիան ստորագրվել է։ Ճիշտ որոշում կայացվել։ Հայկական կողմը ոչ նպատակահարմար է համարել ադրբեջանցիներին տեղյակ պահել գործարանի կառուցման համար, ինչը օրենքի սահմաններում է։
Թող հոխորտան, վատը միայն այն է, որ կրակում են»,- նշեց Օսիկյանը։
Նշենք, որ ավելի վաղ տեղեկություն էր տարածվել այն մասին, որ Ադրբեջանի կառավարությունը Հայաստանի շրջակա միջավայրի նախարարին նամակ էր ուղղել՝ պահանջելով է դադարեցնել Նախիջևանի Ինքնավար Հանրապետությանը սահմանակից Երասխում խոշոր մետալուրգիական գործարանի կառուցումը, պատճառաբանելով, թե իրականացվող աշխատանքները կարող են անդրսահմանային բացասական հետևանքներ ունենալ։
ՀՀ շրջակա միջավայրի նախարարությունը պատասխանել էր Ադրբեջանի «բաց նամակին»՝ կապված Երասխում գործարանի կառուցման հետ՝ նշելով, որ այն լիովին համապատասխանում է միջազգային բնապահպանական ստանդարտներին։ Պատասխանով նախարարությունը ադրբեջանական կողմի ներկայացրած մի շարք կեղծ փաստերի հերքումներ է ներկայացրել։
Մանրամասները՝ տեսանյութում։
