15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Նեթանյահուի այցը Թուրքիա հետաձգվել է՝ հոսպիտալացման և վիրահատության պատճառով
Քաղաքականություն
24.07.2023 | 22:02
Իսրայելի վարչապետ Բենիամին Նեթանյահուի ծրագրված այցերը Թուրքիա և Կիպրոս նախօրեին հետաձգվել են՝ այն բանից հետո, երբ վերջինը վիրահատվել է, հայտնում է The Times Of Israel-ը։
Երեքշաբթի ծրագրված էր Նեթանյահուի այցը Կիպրոս, որտեղ նախատեսված էր Կիպրոսի նախագահ Նիկոս Խրիստոդուլիդեսի և Հունաստանի վարչապետ Կիրիակոս Միցոտակիսի հետ համատեղ գագաթնաժողովը։
Հուլիսի 28-ին էլ նախատեսված էր Նեթանյահուի այցը Թուրքիա։ Սա 2008 թվականից ի վեր Իսրայելի վարչապետի առաջին այցն էր լինելու Թուրքիա։
Հավելենք, որ կիրակի Նեթանյահուն վիրահատության է ենթարկվել Ռամաթ Գանիի «Շեբա» բժշկական կենտրոնում, որտեղ սրտի կարդիոստիմույլատոր են տեղադրել։ Վիրահատությունը հաջող է անցել։
Իսրայելական լրատվամիջոցները հայտնում են, որ այսօր արդեն Նեթանյահուն դուրս է գրվել հիվանդանոցից։
Էմմա Չոբանյան
