07.10.2026 | 23:48
Արթուր Դանիելյանը կալանավորվեց
Պարզվել է՝ Բեռլինի մերձակայքում երկու օր որոնվող առյուծը վայրի վարազ է
Քաղաքականություն
22.07.2023 | 12:39
Գերմանիայի իշխանությունները դադարեցնում են Բեռլինի մերձակայքում առյուծին գտնելու գործողությունը, որն իրականացվում էր հինգշաբթի օրվանից: Ըստ ամենայնի, ականատեսները, այդ թվում՝ ոստիկանության աշխատակիցը, մեծ կատվի տեղ են դրել նաև խոշոր, բայց վարազին։
BBC-ի ռուսական ծառայությունից տեղեկացնում են՝ ոստիկանությունը, անասնաբույժները և որսորդները, որոնք ավելի քան մեկ օր ուղղաթիռների և անօդաչուների կիրառմամբ առյուծի անհաջող որոնումներ էին իրականացնում, ուրբաթ օրը դադարեցրել են գործողությունը:
Որոնումների ընթացքում չեն հայտնաբերվել ոչ կենդանու հետքեր, ոչ ԴՆԹ-ի նմուշներ, ոչ էլ առյուծի առկայության այլ նշաններ, իսկ փորձագետները տեսանյութի մանրակրկիտ ուսումնասիրությունից հետո եկել են այն եզրակացության, որ դա վայրի վարազ է, որոնցից շատ կա Բեռլինի մերձակա անտառներում:
Ոստիկանությունը հենց սկզբից շատ լուրջ է վերաբերվել իրավիճակին: Որոնումներին մասնակցել է մոտ 120 ոստիկան։ Դա բացատրվում է նրանով, որ գիշերը ոստիկանությունը տասնյակ զանգեր է ստացել ականատեսներից:
«Ակնհայտ վտանգ չկա»,- ուրբաթ մամուլի ասուլիսում հայտարարել է Կլայնմախնով կոմունայի քաղաքապետ Միքայել Գրուբերտը, որը նախօրեին կոչ էր արել տեղի բնակչությանը չանտեսել ոստիկանության խորհուրդները և նստել տանը:
