07.10.2026 | 23:48
Արթուր Դանիելյանը կալանավորվեց
Ադրբեջանի ԶՈՒ-ն լայնածավալ զորավարժություններ է անցկացնում Կասպից ծովում
Քաղաքականություն
21.07.2023 | 14:19
Ադրբեջանի Զինված ուժերը Կասպից ծովում սկսել են «Խազրիի ալիք» մարտավարական զորավարժությունները՝ 1500 զինվորականների մասնակցությամբ։ Ադրբեջանի ՊՆ-ի հաղորդմամբ՝ զորավարժություններին մասնակցում են ռազմածովային ուժերի, ցամաքային զորքերի, ռազմաօդային ուժերի և Պետական սահմանային ծառայության առափնյա պահպանության ստորաբաժանումները։
Նախօրեին երկրի Պաշտպանության նախարարության ղեկավարությունը ժամանել է ռազմածովային բազա՝ հետևելու Կասպից ծովի ադրբեջանական հատվածում էներգետիկ ենթակառուցվածքների պաշտպանության և պահպանության զորավարժությունների ընթացքին։
Ռազմածովային ուժերի հրամանատար, փոխծովակալ Սուբհան Բեքիրովը պաշտպանության նախարարին զեկուցել է զորավարժությունների ընթացքի և կատարվելիք առաջադրանքների մասին։
Վարժանքներին մասնակցում են 1500 զինվորականներ, ռազմածովային ուժերի ռազմանավեր, Պետական սահմանապահ ծառայության առափնյա պահպանության պարեկային նավեր, ուղղաթիռներ, ռազմաօդային ուժերի անօդաչու թռչող սարքեր և ցամաքային զորքերի զրահապատ մարտական մեքենաներ։
Էմմա Չոբանյան
