24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ֆրանսիան կարծում է, որ Չինաստանը ՌԴ-ին ռազմական օգնություն է տրամադրում
Քաղաքականություն
21.07.2023 | 23:12
Ռուսաստանը կարող է ռազմական օգնություն ստանալ Չինաստանից Ուկրաինայի դեմ պատերազմի համար։ Այս մասին հայտնում է ամերիկյան CNN հեռուստաալիքը՝ վկայակոչելով Ֆրանսիայի նախագահի արտաքին քաղաքականության հարցերով խորհրդական Էմանուել Բոնին։
Ֆրանսիացի պաշտոնյան, մասնավորապես, պատասխանել է հարցին, թե Արևմուտքը տեսե՞լ է ապացույցներ, որ Չինաստանն ինչ-որ կերպ զինում է Ռուսաստանին։
«Այո՛, կան նշաններ, որ նրանք անում են բաներ, որոնք մենք կցանկանայինք, որ չանեին»,- նշել է նա։
Լրագրողի հստակեցնող հարցին՝ արդյո՞ք Չինաստանը զենք է մատակարարում, ֆրանսիացի պաշտոնյան պատասխանել է. «Դե՝ ռազմական սարքավորում, որքան մեզ հայտնի է, զգալի ռազմական հզորություններ է մատակարարում Ռուսաստանին»:
Ֆրանսիացի պաշտոնյաները ամերիկյան հեռուստաալիքներից մեկին տված մեկնաբանությունում, նշել են, որ Բոնն ակնարկում է ինչպես երկակի օգտագործման տեխնոլոգիաները, այնպես էլ ոչ մահաբեր օգնությունը՝ սաղավարտների և զրահաբաճկոնների մատակարարումը:
«Ամենից շատ մեզ անհրաժեշտ է, որպեսզի Չինաստանը ձեռնպահ մնա։ Մեզ անհրաժեշտ է, որպեսզի նրանք հասկանան, որ Ուկրաինան գլոբալ մասշտաբների հակամարտություն է, և որ մենք չենք կարող Ուկրաինային առաջարկել պարտվել՝ սկզբունքային նկատառումներից ելնելով, ինչպես նաև չափազանց օպերատիվ հանդիսացող նկատառումներից ելնելով։ Եվ այն, ինչ մեզ համար Ուկրաինայում դրված է խաղաքարտի վրա, շատ ավելի մեծ է։ Խոսքն աշխարհում կայունության մասին է»,-ընդգծել է Բոնը։
Չինաստանը չպետք է զենք մատակարարի և տնտեսական աջակցություն ցուցաբերի Ռուսաստանին, եզրափակել է Ֆրանսիայի նախագահի խորհրդականը։
