15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Արցախի ԱԺ-ն ՀՀ-ին կոչ է անում դիմել ՄԱԿ-ին՝ խաղաղապահներին միջազգային մանդատով օժտելու հարցով
Քաղաքականություն
21.07.2023 | 10:55
Արցախի ԱԺ-ն արտահերթ նիստում ուղերձ հղեց՝ ՄԱԿ-ի կողմից Արցախում խաղաղություն պարտադրելու համար պատշաճ միջոցներ ձեռնարկելու ուղղությամբ։Այս ուղերձով Արցախի Ազգային ժողովը բարձրացնում է նաև Արցախում տեղակայված ռուսական խաղաղապահ առաքելությանը միջազգային մանդատ տրամադրելու հարցը։
«Արցախում տեղակայած ռուսական խաղաղապահ զորախումբն օժտված չէ միջազգային մանդատով, հանգամանք, որը կանաչ լույս է վառում Ադրբեջանի կողմից եռակողմ հայտարարության խախտումներին և տարածաշրջանային անվտանգության և կայունության վտանգման համար։
Արցախի ԱԺ-ն կոչ է անում Հայաստանին՝ անհապաղ միջոցներ ձեռնարկել ռուս խաղաղապահներրի առաքելությանը միջազգային մանդատով օժտելու համար՝ դիմել ՄԱԿ-ի անվտանգության խորհրդին ու գլխավոր ասամբլեային։
Կոչ ենք անում Հայաստանին՝ դիմել ՄԱԿ-ին՝ առաջարկելով պատշաճ քայլեր կատարել տարածաշրջանում խաղաղության և անվտանգության պահպանման համար՝ ՄԱԿ-ի կանոնադրության համաձայն՝ պետք է իմպերատիվ բանաձև ընդունվի, որն Արցախում խաղաղություն կպարտադրի։ Արցախի Հանրապետությունը հանձնառու է փրկելու իր ժողովրդին արհավիրքից։ Ուստի ակնկալում ենք, որ այդ կառույցները կստեղծեն պայմաններ, որոնք կխթանեն Արցախի ժողովրդի արժանապատիվ կյանքի ապահովումը»,- ներկայացնելով ուղերձը՝ հայտարարեց ԱԺ պատգամավոր Մարսել Պետրոսյանը։
Մանրամասները՝ տեսանյութում։
