07.10.2026 | 23:48
Արթուր Դանիելյանը կալանավորվեց
Բեռլինի մերձակայքում փնտրում են բնակավայրերում ազատորեն շրջող առյուծին
Քաղաքականություն
20.07.2023 | 22:44
Բեռլինի հարավային շրջակայքի բնակիչները հինգշաբթի՝ հուլիսի 20-ի առավոտյան ոստիկանությունից հազվադեպ նախազգուշացում են ստացել՝ բնակավայրերում վտանգավոր վայրի կենդանի է ազատ թափառում։ Իրավապահները հորդորել են ընտանի կենդանիներին փողոց դուրս չթողնել, իսկ Բրանդենբուրգի Կլայնմախնոու, Տետլոու և Ստանսդորֆ համայնքներում բնակվողներին խորհուրդ է տրվել հնարավորության դեպքում դուրս չգալ տներից, գրում է DW-ի ռուսական ծառայությունը։
Ավելի ուշ ոստիկանությունը պարզաբանել է, որ խոսքը, ըստ ամենայնի, առյուծի մասին է։ Հենց նրան են ականատեսները նկատել Բեռլինի և Պոտսդամի միջև կեսգիշերին մոտ։ Իրավապահներին նրանք հայտնել են, որ առյուծը Կլեյնմախնովի և Տետլովի շրջանում հետապնդել է վայրի վարազի։
Դրվագը հաջողվել է նկարահանել, և տեսագրությունն ուսումնասիրած փորձագետները հաստատել են, որ գործ ունեն մեծ կատուների ենթաընտանիքի գիշատիչ կաթնասունի հետ։
Երկու ուղղաթիռ է ներգրավվել որոնողական աշխատանքներին, սակայն կենդանու ոչ մի հետք մինչև ուշ առավոտ չի հաջողվել գտնել, հայտնել են իշխանությունները:
Իրավապահները փորձում են պարզել, թե ինչպես է գիշատիչը հայտնվել այս կողմերում։ Հայտնաբերվելու դեպքում նրանք կփորձեն քնեցնել կենդանուն և տեղափոխել ապաստարան, հավելել են ոստիկանությունից։
Տաթև Ֆռանգյան
