07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Թուրքական դատարանը Ղուրանն այրած դանիացի գործչին ձերբակալելու օրդեր է տվել
Քաղաքականություն
20.07.2023 | 22:08
Անկարայի քրեական դատարանը դանիական ծայրահեղ աջ «Դժվար կուրս» կուսակցության առաջնորդ Ռասմուս Պալուդանին ձերբակալելու որոշում է կայացրել, գրում է Անադոլու գործակալությունը։
Ավելի վաղ Թուրքիայի գլխավոր դատախազությունը հետաքննություն էր սկսել Պալուդանի նկատմամբ՝ կապված հունվարի 21-ին Ստոկհոլմում Թուրքիայի դեսպանատան առջևՂուրանի այրման ակցիայի հետ։
Նա մեղադրվում է «բնակչության մի մասի կողմից ընդունված կրոնական արժեքները հրապարակայնորեն վիրավորելու համար»։ Նախաքննության շրջանակում թուրքական դատախազությունը դիմել է դատարան՝ գործչին «ցուցմունք տալու համար» ձերբակալելու խնդրանքով։ Դատարանը բավարարել է միջնորդությունը։
Պալուդանը, որը նաև Շվեդիայի քաղաքացիություն ունի, Ղուրանի այրման մի քանի ակցիաներ է անցկացրել։
Էմմա Չոբանյան
