13.01.2025 | 12:40
Չենք աշխատելու, ազգին ոտքի ենք հանելու. «Ոսկու շուկայի» աշխատակից․ ՏԵՍԱՆՅՈՒԹ
ԵՄ-ն երկարաձգել է Ռուսաստանի դեմ պատժամիջոցները
Քաղաքականություն
20.07.2023 | 17:09
ԵՄ խորհուրդը վեց ամսով՝ մինչև 2024 թվականի հունվարի վերջը երկարաձգել է Ռուսաստանի դեմ բոլոր տնտեսական պատժամիջոցները։ Այս մասին ասված է ԵՄ խորհրդի տարածած հայտարարության մեջ։
«Խորհուրդն այսօր որոշում է կայացրել վեց ամսով՝ մինչև 2024 թվականի հունվարի 31-ը երկարաձգել Ռուսաստանի տնտեսության ոլորտների դեմ արգելող միջոցները», – ասվում է հայտարարության մեջ։
Այս պատժամիջոցները, որոնք առաջին անգամ կիրառվել են 2014 թվականին՝ ի պատասխան Ուկրաինայում իրավիճակն ապակայունացնող Ռուսաստանի գործողությունների, զգալիորեն ընդլայնվել են 2022 թվականի փետրվարից՝ ի պատասխան Ուկրաինայի դեմ Ռուսաստանի չհրահրված և չարդարացված ռազմական ագրեսիայի։
2022 թվականի փետրվարից ԵՄ-ն ուժեղացրել է իր միակողմանի պատժամիջոցները Ռուսաստանի դեմ 11 նոր փաթեթներով։ ԵՄ-ի այս պատժամիջոցներն ամենախոշորն են միության պատմության մեջ:
