07.10.2026 | 23:48
Արթուր Դանիելյանը կալանավորվեց
Թուրքիայի՝ ԵՄ-ին անդամակցելու գործընթացը փակուղի է մտել․ Գերմանիայի արտգործնախարար
Քաղաքականություն
20.07.2023 | 17:40
Գերմանիայի արտաքին գործերի նախարար Անալենա Բերբոքը հայտարարել է, որ Եվրամիությանը (ԵՄ) Թուրքիայի անդամակցության բանակցային գործընթացը ոչ միայն կանգ է առել վերջին տարիներին, այլև խորը փակուղի է մտել։ Այս մասին նա լրագրողներին ասել է Բրյուսելում՝ ԵՄ ԱԳ նախարարների հանդիպմանը ժամանելուն պես։
«Մենք շատ հստակ կանոններ ունենք [ԵՄ-ին] անդամակցության գործընթացների վերաբերյալ։ Իսկ այն, որ Թուրքիայի նկատմամբ անդամակցության հեռանկարները, գործընթացները և առաջընթացը վերջին տարիներին ոչ միայն կանգնել են, այլ, ես կասեի, խորապես սառած են, բացատրվում է նրանով, որ հիմնական գլուխները, որոնք անհրաժեշտ են այս բանակցությունների համար՝ օրենքի գերակայությունը, մարդու իրավունքների պաշտպանությունը, ոչ միայն չեն իրականացվում, այլև շատ հեռու են դրանից»,- ասել է նա։
Միաժամանակ, Գերմանիայի ԱԳՆ ղեկավարն ընդգծել է, որ անհրաժեշտ է պահպանել կապերը Թուրքիայի հետ։
«Այնուամենայնիվ, աներևակայելի կարևոր է, որ մենք միշտ երկխոսության մեջ լինենք միմյանց հետ»,- ամփոփել է Բերբոքը՝ հավելելով, որ «Թուրքիայի հետ հարևանությունը չափազանց կարևոր է»։
Վիլնյուսում ՆԱՏՕ-ի գագաթնաժողովից հետո Թուրքիայի նախագահ Ռեջեփ Թայիփ Էրդողանը հայտարարել էր իր երկրի՝ արագացնել ԵՄ-ին անդամակցելու և Անկարայի վրա ԵՄ-ի հետ առանց վիզայի ռեժիմի անցնելու մտադրության մասին։
Տաթև Ֆռանգյան
