26.06.2026 | 17:49
ՌԴ-ն և Ուկրաինան գերիների են փոխանակել 160-ը 160-ի դիմաց
Ռուսական անձնակազմը հեռացել է Ստամբուլի համակարգման կենտրոնից՝ հացահատիկի գործարքից Մոսկվայի դուրս գալուց հետո
Քաղաքականություն
20.07.2023 | 16:45
Հացահատիկային գործարքից դուրս գալուց հետո Մոսկվայի նոր քայլը ռուսական անձնակազմի դուրսբերումն է Ստամբուլում գտնվող Հացահատիկի նախաձեռնության համակարգման կենտրոնից։ Այս մասին թուրքական լրատվամիջոցներին հայտնել են Թուրքիայի անվտանգության աղբյուրները։
Հարցին՝ դրական տրամադրվածություն կա՞ հացահատիկային գործարքի վերագործարկման համար, թուրքական անվտանգության աղբյուրները պատասխանել են. «Մենք կողմ ենք, որ այս համաձայնագիրն իր ներկայիս կարգավիճակով շարունակվի քառակողմ ձևով: Մենք շարունակում ենք մեր նախաձեռնություններն ու ջանքերն այս առումով: Քանի դեռ նախաձեռնությունները շարունակվում են, մենք կապահովենք, որ Ստամբուլի Համատեղ համակարգող կենտրոնը գործի բավարար անձնակազմով»:
Ստամբուլի համակարգման կենտրոնում ռուս անձնակազմի վիճակի մասին հարցին ի պատասխանել էլ՝ աղբյուրները նշել են. «Ռուսական անձնակազմը լքել է կենտրոնը»։
Նշենք, որ հացահատիկային գործարքի ժամկետը լրացել է հուլիսի 17-ին, և Մոսկվան հրաժարվում է երկրաձգել այն։ Կրեմլից հայտնել են գործարքից դուրս գալու մասին։
Սևծովյան հացահատիկային գործարքը կնքվել է 2022 թվականի հուլիսի 22-ին ՄԱԿ-ի, Թուրքիայի, ՌԴ-ի և Ուկրաինայի միջև՝ Սև ծովի Ուկրաինայի նավահանգիստներով ուկրաինական հացահատիկի անվտանգ արտահանման համար։ Ստորագրումից ի վեր գործարքն արդեն մի քանի անգամ երկարաձգվել էր։
Էմմա Չոբանյան
