14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիայի հայերը նշել են Վարդավառը
Քաղաքականություն
17.07.2023 | 20:23
Վարդավառը Հայաստանում և սփյուռքում նշվում է Սուրբ Զատկից 14 շաբաթ անց, երբ Հայ առաքելական եկեղեցին նշում է Սուրբ Պայծառակերպության տոնը։ Հուլիսի 16-ին տոնը նշվել է նաև Թուրքիայի հարավ-արևելյան Դիարբեքիր քաղաքում։ Տեղի հայկական համայնքի ներկայացուցիչները Սուրբ Կիրակոս հայկական եկեղեցում պատարագից հետո սկսել են ջուր ցողել միմյանց վրա, գրում է Tigrishaber-ը։
Տոնին մասնակցած Դարա Գյունալը լրատվամիջոցի հետ զրույցում ասել է, որ դժվար կլինի հանդիպել անգամ մեկ մարդու, որը «Վարդավառի օրը չոր է մնացել ամբողջ Հայաստանում»։
«Մենք էլ այսօր վայելում ենք տոնն այստեղ»,- ասել է նա։
Հավելենք, որ Սուրբ Կիրակոսը Մերձավոր Արևելքի ամենամեծ հայկական եկեղեցիներից է։ 1915 թվականի Հայոց ցեղասպանության ժամանակ Դիարբեքիրում մեծ թվով հայ բնակչության կոտորածից հետո եկեղեցին մինչև 2011 թվականը չի օգտագործվել կրոնական արարողությունների համար։ Զանգակատունն ավերվել է հրետանային կրակից 1915 թվականին, իսկ շենքն Առաջին համաշխարհային պատերազմի ժամանակ օգտագործվել է որպես զորանոց, այնուհետև՝ որպես պահեստ, իսկ ավելի ուշ՝ տեքստիլի գործարան։
1960-ին եկեղեցին վերադարձվել է Թուրքիայի փոքրաթիվ հայ համայնքի խնամքին, սակայն մնացել է լքված վիճակում մինչև 2000-ականները, երբ սկսվել է եկեղեցու վերականգնումը։
Էմմա Չոբանյան
