07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
ՀԱՀ-ում հայտարարել են Պուտինի այցի մասին, սակայն Կրեմլում դեռ մտածում են
Քաղաքականություն
14.07.2023 | 22:17
Ռուսաստանի նախագահ Վլադիմիր Պուտինն անձամբ կմասնակցի BRICS-ի գագաթնաժողովին, որը տեղի կունենա օգոստոսի 22-24-ը Հարավաֆրիկյան Հանրապետությունում։ Այս մասին հայտարարել է ՀԱՀ նախագահ Սիրիլ Ռամաֆոսան, հայտնում է Eyewitness-ը։
Սենդթոնում տեղի ունեցած BRICS բիզնես խորհրդի նիստում Ռամաֆոսան ասել է, որ գագաթնաժողովը կանցկացվի դեմ առ դեմ ձևաչափով։
«Լուրեր էին պտտվում, որ սա ևս կարող է օնլայն գագաթնաժողով լինել։ Ո՛չ, այն կլինի դեմ առ դեմ։ Ակնկալում ենք մի քանի երկրների ղեկավարների այց։ Սակայն կարևոր է, որ ԲՐԻՔՍ-ի անդամ հինգ երկրների ղեկավարներն էլ այցելեն գագաթնաժողովը»,- ասել է ՀԱՀ նախագահը։
Միևնույն ժամանակ, ՌԴ նախագահի խոսնակ Դմիտրի Պեսկովն այսօր ասել է, որ գագաթնաժողովին Պուտինի մասնակցության ձևաչափը դեռ որոշված չէ։
«Ձևաչափը դեռ վերջնական որոշված չէ: Քննարկումները շարունակվում են, վերջնական որոշում կայացնելուց հետո մենք կտեղեկացնենք»,- ասել է նա ճեպազրույցում:
Տաթև Ֆռանգյան
