26.06.2026 | 17:49
ՌԴ-ն և Ուկրաինան գերիների են փոխանակել 160-ը 160-ի դիմաց
Գերմանիան ուկրաինական պատերազմի ֆոնին պաշտպանության վրա կծախսի ՀՆԱ-ի 2%-ը. Շոլց
Քաղաքականություն
14.07.2023 | 22:54
Ուկրաինայի դեմ Ռուսաստանի պատերազմի ֆոնին Գերմանիայի կանցլեր Օլաֆ Շոլցը խոստացել է, որ կառավարությունը երկարաժամկետ հեռանկարում համախառն ներքին արդյունքի 2 տոկոսը կծախսի պաշտպանության վրա, գրում է DW-ի ռուսական ծառայությունը։
«Մենք որոշեցինք, որ այս 2 տոկոսը կծախսենք պաշտպանության վրա՝ Բունդեսվերի համար, հաջորդ տարի մենք առաջին անգամ կհասնենք դրան (նպատակային ցուցանիշին) բյուջեի և հատուկ միջոցների հաշվին»,- ասել է Շոլցը։
«Եվ այստեղ կրկնում եմ այն, ինչ արդեն բազմիցս ասել եմ՝ մոտեցումը կմնա անփոփոխ նույնիսկ այն ժամանակ, երբ հատուկ ֆոնդը սպառվի»,- Բեռլինում հրավիրված ասուլիսում հավելել է Օլաֆ Շոլցը։
Գերմանիայի կառավարության ղեկավարը հիշեցրել է նաև Բեռլինի պարտավորությունների մասին՝ Հյուսիսատլանտյան պայմանագրի 3-րդ հոդվածով։
