06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
2023 թվականի հունիսը դարձել է դիտարկումների պատմության մեջ ամենաշոգ ամիսը
Քաղաքականություն
14.07.2023 | 23:23
2023 թվականի հունիսը դարձել է դիտարկումների պատմության ընթացքում ռեկորդային տաք ամիսը: Այս մասին հայտնում է ԱՄՆ Ազգային օվկիանոսային և մթնոլորտային վարչությունը (NOAA, National Oceanic and Atmospheric Administration), գրում է VOA-ն:
Այսպիսով՝ վերջին 174 տարվա ընթացքում ջերմային ռեկորդ է սահմանվել։ 2023 թվականի հունիսին օդի միջին ջերմաստիճանը 1,05 աստիճանով բարձր է եղել հունիսյան միջին ցուցանիշից։ Նախորդ ռեկորդը սահմանվել է անցյալ տարի, երբ ջերմաստիճանի միջին ցուցանիշը գերազանցել է 0,13 աստիճանով։
Վերջին տարիների բարձր ջերմաստիճանն առաջին դեպքը չէ, երբ հունիսի միջին ցուցանիշները նորմայից բարձր են եղել։
NOAA-ի գնահատականների համաձայն՝ 2023 թվականը, մեծ հավանականությամբ, կլինի դիտարկումների պատմության մեջ ամենաշոգ ամիսը․ կլիմայագետների գնահատականների համաձայն՝ հավանականությունը, որ ընթացիկ տարին կդառնա 10 ամենաշոգ ամառներից մեկը, 97% կլինի։
Տաթև Ֆռանգյան
