Մախաչկալայում Հեյդար Ալիևի հուշարձանի տեղադրման նախաձեռնությունն առաջացրել է տեղի բնակիչների դժգոհությունը

ՌԴ Մախաչկալա քաղաքի իշխանությունները տեղի բնակիչներին հրավիրել են քվեարկել Ադրբեջանի նախկին նախագահ Հեյդար Ալիևի հուշարձանի տարբերակին օգտին, որը նախատեսվում է տեղադրել քաղաքում։

Кавказскии узел-ի հետ զրույցում, սակայն, Մախաչկալայի բնակիչներն ասել են, որ Ալիևը կապ չունի Դաղստանի հետ, և ավելի լավ է՝ հուշարձանի համար հատկացվող միջոցներն օգտագործվեն հանրային նշանակության վայրերի համար։

Մախաչկալայի քաղաքապետարանը Telegram-յան ալիքում հայտարարել է Հեյդար Ալիևի հուշարձանի տարբերակների քվեարկության մեկնարկի մասին։

«Մախաչկալայի տարածքում՝ Շամիլի պողոտայի և Մագոմեդ Յարագսկի փողոցի խաչմերուկում, նախատեսվում է կանգնեցնել խորհրդային և ադրբեջանցի ականավոր քաղաքական գործիչ Հեյդար Ալիևի հուշարձանը»,- ասվում է հաղորդագրության մեջ։

Գրառմանը կից ներկայացվել են արձանի երկու տարբերակի լուսանկարները և քաղաքացիներին խնդրել ընտրել դրանցից մեկը։ Մեկնաբանություններում մարդիկ իրենց դժգոհությունն են հայտնել արձանի տեղադրման կապակցությամբ։

«Կարո՞ղ եք հրապարակել հուշարձանի տեղադրման հիմնավորումը, ի՞նչ նշանավոր բան է նա արել Դաղստանի համար, միգուցե, մենք ինչ-որ բան չգիտենք»,- նշել է բնակիչներից մեկը։

«Մեզ հուշարձան պետք չէ, քաղաքում կարգուկանոն է պետք, այգիներ են պետք, կայանատեղեր են պետք, կանգառներ են պետք»,- գրել է մեկ այլ օգտատեր։

Լրատվամիջոցի հետ զրույցում տեղի բնակիչներից մեկն էլ՝ Մուրադ անունով, նշել է, որ դեմ է Հեյդար Ալիևի արձանի տեղադրմանը։

«Ի՞նչ կապ ունի բա Դաղստանի հետ։ Սա քաղաքի կենտրոնն է, այստեղ շատերն են զբոսնում, իմ ամբողջ կյանքում շատրվան է եղել։ Մախաչկալային այգիներ ու հրապարակներ են պետք, ոչ թե հուշարձաններ»,- ասել է նա։

Էմմա Չոբանյան