07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
«Ինչո՞ւ է մարդը ցածր տոկոս ուզում, որ վալերիանկա քիչ խմի, կյանքը թեթև լինի». Փաշինյան․ ՏԵՍԱՆՅՈՒԹ
Տնտեսություն
13.07.2023 | 12:56
«2018 թվականի և հետագա մեր քննարկումներում առանցքային տեղ է զբաղեցնում այն, որ արժեթղթերի շուկայի զարգացումը կարող է դառնալ այն նոր կոմպոնենտը, որը ոչ միայն տնտեսական զարգացման նոր խթան կդառնա, այլև մարդկանց սոցիալական և տնտեսական ակտիվության և սոցիալական պաշտպանվածության նոր մեխանիզմ կդառնա»,- նշեց Փաշինյանը:
Վարչապետը կարևորեց Հայաստանում Ֆինանսական գրագիտության զարգացման հարցը՝ հավելելով, որ երբեմն ոչ մեծ ֆինանսական միջոցներ ներդնելով՝ կարելի է բարեկեցության մակարդակ փոխել։
Ֆինանսների նախարար Վահե Հովհաննիսյանը նշեց, որ Կառավարությունը և Ֆինանսների նախարարությունը կապիտալ շուկայի զարգացման մեջ էական դեր են խաղում այն իմաստով, որ պետական գանձապետական պարտատոմսերի լիկվիդայնությունը և նրանց շուկայի զարգացումը էական ազդեցություն են ունենում և շուկա է ձևավորում:
«Նույն վարկանշային կազմակերպություններն ուղղորդվում են սուվերեն վարկանիշով և մեր պարտատոմսերի գնանշումները հետագայում ուղենիշ են հանդիսանում մասնավոր ընկերությունների համար:
Այստեղ պետք է մեծ ուրախությամբ նշեմ, որ մեր պարտատոմսերի նկատմամբ հետաքրքրությունը վերջին ամիսներին էականորեն փոխվել է, և մենք ունենք մեծ հետաքրքրություն աշխարհի խոշորագույն ներդրումային կազմակերպությունների և բանկերի կողմից, ովքեր մեծ ցանկություն ունեն ներդրում կատարել պետական գանձապետական պարտատոմսերով դրամով գնանշված»,- նշեց նախարարը:
Հովհաննիսյանը նաև ընդգծեց՝ մեր պետական գանձապետական պարտատոմսերի նկատմամբ հետաքրքրությունը տեղի է ունենում այն ժամանակ, երբ աշխարհում տոկոսադրույքները բարձրանում են, իսկ Հայաստանում տոկոսադրույքները իջնում են, և կա սպասում, որ շարունակելու են իջնել։
Վարչապետն արձագանքեց․ «Ինչո՞ւ է մարդը նախընտրում ցածր տոկոսադրույքը, պարզ պատճառով՝ այս երկիրն ավելի վստահելի է համարում․ այսինքն՝ իր կյանքը ավելի թեթև կլինի, ավելի քիչ կանհանգստանա, ավելի քիչ վալերիանկա կխմի, շահույթ կստանա»։
Մանրամասները՝ տեսանյութում։
