07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Կիևին սպառազինության մատակարարումն ամենահրատապ խնդիրն է. Ստոլտենբերգ
Քաղաքականություն
12.07.2023 | 22:52
Ուկրաինային սպառազինություն մատակարարելը, որն անհրաժեշտ է ռուսական ագրեսիան զսպելու համար, հարձակման ենթարկված երկրի արևմտյան դաշնակիցների «ամենահրատապ խնդիրն է»: Նման հայտարարությամբ է հանդես եկել ՆԱՏՕ-ի գլխավոր քարտուղար Յենս Ստոլտենբերգը՝ Վիլնյուսում դաշինքի գագաթնաժողովում Ուկրաինայի նախագահ Վլադիմիր Զելենսկու հետ համատեղ ելույթի ժամանակ, գրում է DW-ի ռուսական ծառայությունը։
«Իհարկե, երաշխիքները, փաստաթղթերը, Խորհրդի նիստերը (ՆԱՏՕ-Ուկրաինա) կարևոր են, բայց այժմ ամենահրատապ խնդիրն այն է, որ Ուկրաինայի նախագահ Վլադիմիր Զելենսկին և նրա զինված ուժերը բավականաչափ զենք ստանան»,- ընդգծել է Ստոլտենբերգը։
Ի վերջո, եթե Ուկրաինան այլևս գոյություն չունենա, Հյուսիսատլանտյան դաշինքին նրա անդամակցության հարցը քննարկելու կարիք չի լինի, հավելել է նա։
«Մեր ուղերձը հետևյալն է. մենք կաջակցենք Ուկրաինային այնքան ժամանակ, որքան կպահանջվի: Եվ հրատապ անհրաժեշտություն է այն սպառազինությունը մատակարարել, որն անհրաժեշտ է Ուկրաինային»,- եզրափակել է ՆԱՏՕ-ի գլխավոր քարտուղարը։
Տաթև Ֆռանգյան
