15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Հյուսիսային Կորեան միջմայրցամաքային բալիստիկ հրթիռ է արձակել
Քաղաքականություն
12.07.2023 | 22:26
Հյուսիսային Կորեան միջմայրցամաքային բալիստիկ հրթիռ է արձակել Ճապոնական ծովի ուղղությամբ։ Այս մասին հուլիսի 12-ին հայտնել է Yonhap գործակալությունը։
Հարավային Կորեայի ԶՈՒ շտաբերի պետերի միացյալ շտաբն արձակում է գրանցել Փհենյանի շրջանից առավոտյան ժամը 10-ի սահմաններում: Բարձր անկյան տակ արձակված հրթիռը թռել է մոտ 1000 կիլոմետր՝ նախքան ճապոնական Հոկայդո կղզուց 250 կիլոմետր հեռավորությամբ ջուրն ընկնելը։
Հարավային Կորեայի և ԱՄՆ-ի զինվորականները հանդիպում են անցկացրել արձակումից անմիջապես հետո։ Նրանք ընդգծել են, որ կշարունակեն ուժեղացնել իրենց համատեղ պաշտպանությունը «Հյուսիսային Կորեայի ցանկացած սպառնալիքներից և սադրանքներից»։
Հիշեցնենք, որ վերջին անգամ ԿԺԴՀ-ն հեռահար հրթիռ էր արձակել ապրիլի 13-ին:
Հունիսին Փհենյանը փոքր հեռահարության երկու բալիստիկ հրթիռ է փորձարկել՝ ի նշան բողոքի Վաշինգտոնի և Սեուլի լայնածավալ զորավարժությունների դեմ։
Տաթև Ֆռանգյան
