07.10.2026 | 23:48
Արթուր Դանիելյանը կալանավորվեց
Բլինքենը Թուրքիային F-16-ների վաճառքի հարցով բանակցել է Կոնգրեսի, այդ թվում՝ Բոբ Մենենդեսի հետ
Քաղաքականություն
12.07.2023 | 22:06
ԱՄՆ պետքարտուղար Էնթոնի Բլինքենն անցյալ շաբաթներին խոսել է Կոնգրեսի անդամների, այդ թվում՝ ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսի հետ Թուրքիային F-16-ների վաճառքի հարցով, որը դեմոկրատ սենատորն արգելափակել էր, գրում է Reuters-ը։
«Ես չեմ պատրաստվում բնութագրել այդ խոսակցությունները, կասեմ, որ մենք միշտ հստակ ենք եղել, որ աջակցում ենք Թուրքիային F-16-ների վաճառքին և կշարունակենք դա անել»,- լրագրողներին ասել է Պետքարտուղարության խոսնակ Մեթյու Միլլերը։
Հավելենք, որ նախօրեին էլ Ազգային անվտանգության հարցերով ԱՄՆ նախագահի խորհրդական Ջեյք Սալիվանը հայտարարել էր, որ նախագահ Ջո Բայդենը Կոնգրեսի հետ խորհրդակցություններ է անցնելու Թուրքիային կործանիչների վաճառքի հարցով։
Ավելի վաղ Թուրքիայի նախագահ Ռեջեփ Թայիփ Էրդողանը համաձայնել էր երկրի խորհրդարան ներկայացնել ՆԱՏՕ-ին Շվեդիայի անդամակցության հայտը՝ ԱՄՆ-ի և նրա դաշնակիցների կողմից ամիսներ շարունակ տևած ճնշումներից հետո:
Էմմա Չոբանյան
