13.01.2025 | 11:44
Կուրսկում արդեն 300 հյուսիսկորեացի զինվորներ են սպանվել, 2700-ը՝ վիրավորվել․ հարավկորեական հետախուզություն
Ելքի վիզան ինչի՞ համար է, հերթերը տեսե՞լ եք․ Սիսակ Գաբրիելյան․ ՏԵՍԱՆՅՈՒԹ
Տեսանյութեր
11.07.2023 | 16:27
ԱԺ այսօրվա արտահերթ նիստում «Քաղաքացիական պայմանագիր» խմբակցության պատգամավոր Սիսակ Գաբրիելյանը, դիմելով ՀՀ արդարադատության նախարարի տեղակալ Արա Մկրտչյանին, հետաքրքրվեց, թե ՀՀ քաղաքացիների անձնագրում ելքի վիզան ինչի՞ համար է պահանջվում և կա՞ աշխարհում երկրորդ երկիր, որտեղ ևս նման վիզան պահանջվում է՝ երկրից դուրս գալու համար։
Պատգամավորի խոսքով՝ հենց անձնագրում այդ մեկ կնիքը դնելու պատճառով է անձնագրային բաժանմունքներում այդքան անհռելի հերթեր գոյանում.
«Ելքի վիզան ինչի՞ համար է․․․ Այնպես էլ չի, որ մեծ գումար են տալիս քաղաքացիները, որ մտածենք՝ պետությունը գումարի համար է դա անում։ Արդյո՞ք նախատեսված է այդ ընթացակարգը հանել»։
Մկրտչյանը պատասխանեց, որ օտարերկրյա պետությունում ՀՀ քաղաքացիների անձնագրերի վավերականության այդ կնիքը սահմանված է կառավարության թիվ 821 որոշմամբ։
«Այդ խնդրի լուծումը վերջնական նոր համակարգի ներդրմամբ կլուծվի, երբ ՀՀ-ում կգործի ՀՀ քաղաքացու մեկ ճամփորդական փաստաթուղթ՝ այն է բիոմետրիկ կենսաչափական տվյալներ պարունակող անձնագիրը և նման կնիքի անհրաժեշտություն չի լինի»,- նշեց փոխնախարարը՝ հավելելով, որ միայն ՀՀ-ում է, որ ելքի այդ կնիքն անհրաժեշտություն է։
Գաբրիելյանն արձագանքեց, որ բիոմետրիկ անձնագրերի մասով էլ արդեն քանի տարի է՝ խնդիրներ են լինում և միշտ հետաձգվում են, քանի որ տպելու հետ կապված խնդիրներ կան. «Կա՛մ պետք է շուտ ապահովենք այդ բիոմետրիկ անձնագրի տրամադրումը, կա՛մ այդ կնիքի հարցը լուծենք»։
Մանրամասները՝ տեսանյութում։
