06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Ընդդիմությունը բոյկոտեց ԱԺ արտահերթ նիստը. քննարկվում է Թագուհի Թովմասյանի լիազորությունները դադարեցնելու հարցը
Քաղաքականություն
11.07.2023 | 12:40
ԱԺ այսօրվա արտահերթ նիստի օրակարգում է նաև «Պատիվ ունեմ» խմբակցության պատգամավոր Թագուհի Թովմասյանի՝ որպես Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման մասին հարցը։
Նախագիծն ԱԺ-ում ներկայացրեց ՔՊ խմբակցության պատգամավոր Հովիկ Աղազարյանը։
Նախագիծը հիմնավորւմ է նրանով, որ Թագուհի Թովմասյանը, լինելով Մարդու իրավունքների և հանրային հարցերի մշտական հանձնաժողովի նախագահ, որի գործունեության առանցքը մարդու իրավունքների պսշտպանությունն է, տարբեր իրավիճակներում, այդ թվում՝ իր իսկ նախագահությամբ ընթացող հանձնաժողովի նիստի ընթացքում, ՀՀ հարյուր հազարավոր քաղաքացիների արժանապատվության վիրավորման և ատելության խոսքի նկատմամբ ցուցաբերել է անտարբեր վերաբերմունք՝ իր անգործությամբ նպաստելով դրանց կրկնությանը:
«Պատիվ ունեմ»-ը նիստին չի մասնակցում, իսկ ընդդիմադիր մյուս՝ «Հայաստան» խմբակցության պատգամավորները դուրս եկան նիստերի դահլիճից, երբ սկսվեց այս հարցի քննարկումը:
Փակ գաղտնի քվեարկությունը մեկնարկել է ժամը 12:15-ին, կտևի մինչև 13:00-ն:
Մանրամասները՝ տեսանյութում։
