25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Բայդենը ՆԱՏՕ-ի գագաթնաժողովից առաջ հանդիպել է Բրիտանիայի վարչապետին և Չարլզ 3-րդ թագավորին
Քաղաքականություն
10.07.2023 | 22:23
Միացյալ Թագավորության և ԱՄՆ-ի միջև հարաբերությունները «ժայռի պես ամուր են»։ Այս մասին հայտարարել է ԱՄՆ նախագահ Ջո Բայդենը Դաունինգ Սթրիթում Մեծ Բրիտանիայի վարչապետ Ռիշի Սունակի հետ հանդիպման ժամանակ, գրում է Independent-ը:
Նշվում է, որ Բայդենը մեքենայով ժամանել է առավոտյան ժամը 10:35-ին և ողջունել մամուլի ներկայացուցիչներին՝ մինչ իրեն ողջունելու սպասող Սունակին մոտենալը։
Նշվում է, որ Ջո Բայդենի և Սունակի հանդիպումը վերջին ամսիներին արդեն հինգերորդն է։
Բայդենը Վինձոր ամրոցում հանդիպել է նաև Չարլզ III թագավորին՝ բրիտանական միապետի գահ բարձրանալուց հետո առաջին անգամ։ Սա ԱՄՆ նախագահի երկրորդ այցն է Վինձոր։ Ավելի վաղ նա այստեղ 2021 թվականի հունիսին հանդիպել էր Եղիսաբեթ 2-րդ թագուհուն։
Ավելի վաղ հաղորդվել էր, որ Բայդենը Չարլզ 3-րդի հետ քննարկելու է՝ ինչպես օգնել խթանել մասնավոր ներդրումները կլիմայի փոփոխության դեմ պայքարում, որը, կողմերի կարծիքով, գոյություն ունեցող սպառնալիք է:
Էմմա Չոբանյան
