15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Իրաքի Քուրդիստանում բախումների ժամանակ Թուրքիայի ԶՈՒ զինծառայողներ են ոչնչացվել
Քաղաքականություն
10.07.2023 | 22:11
Թուրքիայի Զինված ուժերի երկու զինծառայող է զոհվել Իրաքյան Քուրդիստանում Քուրդիստանի աշխատավորական կուսակցության (PKK) հետ կապված զինյալների հետ բախումների ժամանակ, գրում է Gercek news-ը։
Թուրքիայի Պաշտպանության նախարարության հաղորդմամբ՝ զոհված զինծառայողներն են Հասան Թասը և Ֆուրքան Գյուներգյոքը։
Թուրքիայի վերջին ռազմական արշավը Իրաքի Քուրդիստանի դեմ մեկնարկել է անցյալ տարվա ապրիլին և առանձնահատուկ ինտենսիվությամբ իրականացվել Մետինա, Զապ և Ավասին-Բասյան շրջաններում։ Արշավին մասնակցում են մեծ թվով թուրքական զորքեր, դրանում ներգրավված են անօդաչու սարքեր, հրետանի և ռազմական ինքնաթիռներ։
Թուրքիայում փետրվարի 6-ի ավերիչ երկրաշարժերից հետո PKK-ն միակողմանի զինադադար էր հայտարարել, որը դադարեցնելու մասին էլ հայտնել էր հունիսի կեսերին։
Էմմա Չոբանյան
