06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
Թուրքիան ԵՄ երկրներում ամենահաճախ ապաստան հայցող քաղացիների թվով երրորդ տեղում է հայտնվել
Քաղաքականություն
07.07.2023 | 22:33
2022 թվականին Թուրքիայի գրեթե 58 հազար քաղաքացի ապաստան է խնդրել Եվրամիության երկրներում։ Ըստ Եվրոպական վիճակագրական ինստիտուտի՝ Թուրքիան երրորդ տեղում է ամենահաճախ ապաստան հայցող երկրների թվում, գրում է Duvar-ը։
Թուրքիայի քաղաքացիները 2021 թվականին նույն ցուցակում հինգերորդ տեղն են զբաղեցրել՝ 20,315 դիմումով, ինչը մեկ տարվա ընթացքում 150 տոկոսով ավելացել է։
Ապաստան հայցողների թվում առաջին երկու տեղում Սիրիայի (131,970) և Աֆղանստանի (113,495) քաղաքացիներն են։
Թուրքիայի քաղաքացիների կեսը 2022 թվականին ընտրել է Գերմանիան՝ ապաստանի առաջին դիմումի համար, այս ցուցանիշով հաջորդը Ֆրանսիան է։
Եվրամիության ապաստանի հարցերով գործակալության տվյալների համաձայն՝ 2022 թվականի վերջին Թուրքիայի քաղաքացիների՝ միջազգային պաշտպանություն տրամադրելու համար առկա գործերի թիվը ԵՄ երկրներում, ինչպես նաև Նորվեգիայում և Շվեյցարիայում, նախորդի տարվա համեմատ աճել է 78 տոկոսով։
Թուրքական լրատվականների հաղորդմամբ՝ 2023 թվականի սկզբից ի վեր Թուրքիայի ավելի քան 26 հազար քաղաքացի ապաստան է խնդրել Եվրոպայում։
Էմմա Չոբանյան
