06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
«Եվրատեսիլ 2024»-ը կհյուրընկալի շվեդական Մալմյոն
Քաղաքականություն
07.07.2023 | 23:00
«Եվրատեսիլ 2024» երգի մրցույթը կանցկացվի Շվեդիայի Մալմյո քաղաքում, որը միջազգային մրցույթը հյուրընկալում է արդեն երրորդ անգամ։ Շվեդիան դարձել է մրցույթը հյուրընկալողը, քանի որ 2023 թվականին շվեդ երգչուհի Լորենը հաղթել է՝ իր «Tattoo» երգով։
Մալմյոն ընտրվել է մրցույթի արդյունքում, հայտնում է միջոցառման կազմակերպիչ Եվրոպական հեռարձակողների միությունը (EBU):
«Մալմյոն ընտրվել է շվեդական քաղաքների միջև մրցույթից հետո, որի ընթացքում, ի թիվս այլ չափանիշների, գնահատվել են անցկացման պայմանները, հազարավոր այցելու պատվիրակությունների, նկարահանող խմբերի, երկրպագուների և լրագրողների տեղավորելու կարողություննը, ինչպես նաև տեղի ենթակառուցվածքները»,- հայտնել է EBU-ն:
Հավելենք, որ Շվեդիան յոթերորդ անգամ կհյուրընկալի «Եվրատեսիլ»-ը։
68-րդ մրցույթի եզրափակիչը կանցկացվի մայիսի 11-ին, կիսաեզրափակիչները՝ մայիսի 7-ին և 9-ին։
Հիշեցնենք, որ «Եվրատեսիլ 2023»-ը պետք է հյուրընկալեր Ուկրաինան, սակայն անվտանգության նկատառումներից ելնելով՝ մրցույթը տեղափոխվել է Մեծ Բրիտանիա։
Տաթև Ֆռանգյան
