15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
Ուկրաինայում պատերազմը արդեն ավելի քան 9,000 խաղաղ բնակչի կյանք է խլել․ ՄԱԿ
Քաղաքականություն
07.07.2023 | 21:43
Ուկրաինայում պատերազմի սկզբից՝ 2022 թվականի փետրվարի 24-ից ի վեր զոհված խաղաղ բնակիչների թիվը, ՄԱԿ-ի վերջին տվյալների համաձայն, գերազանցել է 9 հազարը։ Զոհվածների թվում ավելի քան 500 երեխա կա, փոխանցում է BBC-ի ռուսական ծառայությունը։
ՄԱԿ-ի փորձագետները շեշտում են, որ զոհված խաղաղ բնակիչների թիվն իրականում շատ ավելին կարող է լինել, քանի որ բերված թվերը միայն փաստագրված և հաստատված զոհերն են։
«Այսօր մենք նշում ենք ևս մեկ տխուր հանգուցալուծում պատերազմում, որը շարունակում է ահավոր քաղաքացիական զոհերի պատճառ դառնալ Ուկրաինայում»,- ասել է Ուկրաինայում ՄԱԿ-ի մարդու իրավունքների մոնիթորինգային առաքելության փոխնախագահ Նոել Կալհունը՝ պատերազմի մեկնարկի 500-րդ օրվա նախօրեին:
Դիտորդական առաքելությունը նշել է, որ մահացածների և վիրավորների ընդհանուր ամսական թիվը, 2022 թվականի համեմատ, այս տարվա սկզբին նվազել է, սակայն մայիսին և հունիսին միջին ցուցանիշը կրկին աճել է։
Մոնիթորինգային առաքելության տվյալներով, որը 2014 թվականից աշխատում է Ուկրաինայում, վերջին 500 օրվա ընթացքում երեք անգամ ավելի շատ խաղաղ բնակիչներ են զոհվել, քան Ուկրաինայի արևելքում ռազմական գործողությունների նախորդ ութ տարիների ընթացքում։
