07.10.2026 | 23:48
Արթուր Դանիելյանը կալանավորվեց
Մոսկվայի դեմ ԵՄ-ի պատժամիջոցներն ավելի երկարաժամկետ ազդեցություն կունենան ՌԴ տնտեսության վրա․ ԵՀ
Քաղաքականություն
07.07.2023 | 22:20
Ռուսաստանի դեմ Եվրամիության պատժամիջոցները ժամանակի ընթացքում կավելանան, և դա ավելի երկարաժամկետ ազդեցություն կունենա Ռուսաստանի տնտեսության վրա։ Այս մասին գրում է Bloomberg-ը՝ վկայակոչելով Եվրահանձնաժողովի (ԵՀ) գնահատականը։
Փաստաթղթում նշվում է, որ եվրոպական բլոկի պատժամիջոցները նվազեցրել են Ռուսաստանից ներմուծումը մոտ 91 մլրդ եվրոյով, իսկ ԵՄ-ից արտահանումը՝ 48 մլրդ եվրոյով։
«Պատժամիջոցները զգալիորեն խաթարել են Ռուսաստանի արդյունաբերական և տեխնոլոգիական ներուժը: Այդ ազդեցությունները ժամանակի ընթացքում կավելանան, քանի որ միջոցառումները կառուցվածքային, երկարաժամկետ ազդեցություն կունենան Ռուսաստանի բյուջեի, ֆինանսական շուկաների, օտարերկրյա ներդրումների և նրա արդյունաբերական և տեխնոլոգիական բազայի վրա»,- ասված է ԵՀ գնահատականի մեջ։
ԵՄ-ն պատժամիջոցներ է սահմանել շուրջ 1500 անձի և 250 կազմակերպության նկատմամբ Ուկրաինայի վրա Ռուսաստանի հարձակումից հետո՝ 2014 թվականին Ղրիմի բռնակցումից մինչև անցած տարվա փետրվարին Ուկրաինա ներխուժումը:
Գնահատման մեջ նշվում է, որ եվրոպական արդյունաբերությունը մի քանի «լուրջ խափանումներ» է արձանագրել մատակարարման շղթայում՝ կապված հազվագյուտ գազերի ներմուծման հետ, ինչպիսիք են նեոնը և քսենոնը, որոնք օգտագործվում են չիպերի արտադրության համար: ԵՄ-ի և Չինաստանի միջև երկաթուղային բեռնափոխադրումները, որոնք տարանցվում են Ռուսաստանի տարածքով, նվազել են, իսկ փայտանյութի ներմուծման արգելքը, ինչպես նաև ռուսական հակաքայլերը նպաստել են գների բարձրացմանն ու մատակարարման որոշ խնդիրներին:
