06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
Շվեդիան Թուրքիայի քաղաքացու է բանտարկել PKK-ի «ահաբեկչությունը ֆինանսավորելու» փորձի համար
Քաղաքականություն
06.07.2023 | 22:06
Շվեդիայի դատարանը մեղավոր է ճանաչել Թուրքիայի քաղաքացուն Քուրդիստանի աշխատավորական կուսակցության (PKK) կողմից «ահաբեկչության ֆինանսավորման փորձի» համար, գրում է Turkish Minute-ը։
Տղամարդը, ում դատարանը նկարագրում է որպես արմատներով Թուրքիայից քուրդ քաղաքացի, մեղավոր է ճանաչվել շորթման փորձի և հրազենային հանցագործության մեջ, ասվում է Ստոկհոլմի շրջանային դատարանի հայտարարության մեջ։
Նշվում է, որ 40 տարեկանն անց տղամարդը դատապարտվել է 4,5 տարվա ազատազրկման, իսկ ազատ արձակվելուց հետո նրան կարտաքսեն: Տղամարդը ձերբակալվել է հունվարին Ստոկհոլմի ռեստորանի մոտ սպառնալիքներ հնչեցնելուց և ատրճանակից կրակելուց հետո:
Թուրքիան, որն արգելափակում է Շվեդիայի անդամակցությունը ՆԱՏՕ-ին, սկանդինավյան երկրին մեղադրում է «ահաբեկիչների», հատկապես՝ PKK-ի անդամների ապաստան լինելու համար և Ստոկհոլմին կոչ անում արտահանձնել տասնյակ մարդկանց:
Անցյալ տարվա հուլիսին Շվեդիան խստացրել է իր հակաահաբեկչական օրենսդրությունը՝ հեշտացնելով հետապնդումները ահաբեկչական կազմակերպությունների ֆինանսական գործունեության համար։ Սա առաջին դեպքն է, երբ նոր օրենքն արդեն կիրառվում է։
Հավելենք, որ Թուրքիան և Հունգարիան ՆԱՏՕ-ի անդամ միակ երկրներն են, որոնք դեռևս չեն վավերացրել Շվեդիայի հայտը։
Էմմա Չոբանյան
