06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
ՌԴ-ն և Ուկրաինան հավասարվել են տանկերի քանակով. Bloomberg
Քաղաքականություն
06.07.2023 | 22:20
Ռուսաստանը և Ուկրաինան հավասարվել են տանկերի քանակով։ Այս մասին հայտնել է Bloomberg-ը՝ վկայակոչելով Կիլի Համաշխարհային տնտեսության ինստիտուտի և Oryx վերլուծական նախագծի տվյալները, փոխանցում է Meduza-ն։
Նշվում է, որ ըստ Ukraine Support Tracker ինստիտուտի տվյալների բազայի՝ Ռուսաստանն Ուկրաինա լայնամասշտաբ ներխուժումից առաջ ունեցել է գրեթե 3,500 տանկ, սակայն պատերազմի 16 ամիսների ընթացքում,, ըստ Oryx-ի, կորցրել է ավելի քան 2,000 ծանր տեխնիկա, այդ թվում՝ 545 տանկ, որոնք առգրավել են Ուկրաինայի զինված ուժերը։
Ուկրաինան ռուսական ներխուժման ժամանակ ուներ մոտ հազար տանկ։ Oryx-ը հաստատել է, որ Ուկրաինայի Զինված ուժերը պատերազմի ընթացքում կորցրել են ավելի քան 550 տանկ, սակայն նրանց հաջողվել է փոխհատուցել այդ կորուստները, այդ թվում՝ գրավված ռուսական տանկերի, ինչպես նաև արևմտյան երկրներից մատակարարումների միջոցով։ Կիլի ինստիտուտի տվյալներով՝ ներխուժման սկզբից Կիևին է փոխանցվել է 471 տանկ, ևս 286-ն ավելի ուշ կհասնի Ուկրաինա։
Այսպիսով, հակամարտության կողմերից յուրաքանչյուրի տրամադրության տակ կա 1,5 հազար տանկ։ Ուկրաինան նաև կարողացել է կրճատել հրետանային ու հրթիռային համակարգերում բացը։
Լրատվամիջոցը նշում է, որ Կիլի և Oryx-ի տվյալներին պետք է զգուշությամբ վերաբերվել, քանի որ այդ տեղեկատվությունը հավաքագրվում է բաց աղբյուրներից, և հակամարտության կողմերից ոչ մեկը չի հայտնում իր կորուստների մասին։ Բացի այդ, հայտնի չէ, թե պատերազմի ընթացքում Ռուսաստանը որքան զենք է արտադրել։
Ավելի վաղ Մեծ Բրիտանիայի պաշտպանության շտաբի պետ, ադմիրալ Էնթոնի Ռադաքինն ասել էր, որ Ռուսաստանը կարող է արտադրել տարեկան մոտ 200 տանկ։ ՌԴ ՊՆ-ն պատասխանել էր, որ դա սուտ է։
Էմմա Չոբանյան
