06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Պրիգոժինին վերադարձրել են Շոյգուից նվեր ստացած ատրճանակը
Քաղաքականություն
05.07.2023 | 22:03
«Վագներ» մասնավոր ռազմական կազմակերպության հիմնադիր Եվգենի Պրիգոժինին վերադարձրել են Սանկտ Պետերբուրգի մերձակայքում գտնվող «Հյուսիսային Վերսալ» գյուղի իր ամառանոցում հունիսի 24-ին տեղի ունեցած խուզարկության ժամանակ առգրավված զինանոցը, գրում է Fontanka-ն։
Աղբյուրի փոխանցմամբ՝ ի թիվս այլ բաների, Պրիգոժինին են վերադարձրել նաև Glock ատրճանակը, որը «Վագներ»-ի ղեկավարին է հանձնել ՌԴ պաշտպանության նախարար Սերգեյ Շոյգուն։
Սեփականատիրոջը վերադարձված զինանոցի թվում են նաև երկու Saiga կարաբիններ, ավստրիական Steyr Mannlicher հրացան, Arka կիսաավտոմատ հրացան ու ևս մի քանի հրացաններ և ատրճանակներ, նշում են լրագրողները։ Նրանց խոսքով՝ Պրիգոժինին պաշտոնապես հրավիրել են Սանկտ Պետերբուրգի և Լենինգրադի մարզի ԱԴԾ վարչություն՝ զենքերը վերցնելու։
Ավելի վաղ Fontanka-ն և ռուսալեզու այլ լրատվամիջոցներն ու Telegram-ալիքներ հայտնել էին, որ Եվգենի Պրիգոժինին վերադարձրել են նաև զինված ապստամբության հետաքննության շրջանակում Սանկտ Պետերբուրգում խուզարկության ժամանակ արկղերում հայտնաբերված 10 միլիարդ ռուբլի կանխիկ գումարը: Պրիգոժինի խոսքով՝ այդ գումարը նախատեսված է եղել «Վագներ» խմբի զինյալների աշխատավարձերի և զոհերի հարազատներին վճարումների համար։
Տաթև Ֆռանգյան
